ఇటీవలి కాలంలో సెంట్రల్ ఆఫ్రికన్ దేశంలో 12 మంది పిల్లలు చనిపోయారు. అయితే వారి మృతికి దగ్గు మందని కామెరూనియన్ అధికారులు చెబుతున్నారు. అయితే దగ్గు సిరప్ భారతదేశంలో తయారు చేసినట్లు వారు అనుమానిస్తున్నారు.
నేచర్కోల్డ్ మందుల పెట్టె ఫోటోగ్రాఫ్లు రీమాన్ ల్యాబ్స్ ప్రైవేట్ లిమిటెడ్తో సరిపోలే తయారీ లైసెన్స్ నంబర్ ఉన్నట్లు వారు ఆరోపిస్తున్నారు.
ఈ కంపెనీ భారతదేశంలోని మధ్యప్రదేశ్ రాష్ట్రంలోని ఇండోర్లో ఉంది. కామెరూన్లోని ప్రాంతీయ ఆరోగ్య అధికారి ఎకో ఎకో ఫిల్బర్ట్ అందించిన ఫోటోలను విడుదల చేశారు. ఫోటోలో ఉన్న డ్రగ్స్ “మాది లాగా కనిపిస్తున్నాయి” అని రీమాన్ డైరెక్టర్ నవీన్ భాటియా ఫోన్ ఇంటర్వ్యూలో చెప్పారు. రీమాన్ కఠినమైన నాణ్యత నియంత్రణలను అనుసరిస్తుందని తెలిపారు. తమ దగ్గు మందు పేరుతో నకిలీలు సర్వసాధారణమని ఆయన అన్నారు.
భారత్ నుంచి ఎగుమతి చేసిన దగ్గు మందుల వ ల్ల గత సంవత్సరం గాంబియాలో 60 మందికి పైగా చనిపోయారు. ఉజ్బెకిస్తాన్లో 20 మంది చిన్నారులు ప్రాణాలు కోల్పోయారు. ఆ సందర్భాలలో దగ్గు సిరప్ లో ఇథిలీన్ గ్లైకాల్, డైథైలీన్ గ్లైకాల్ అనే రెండు విష రసాయనాలు ఉన్నట్లు గుర్తంచారు. “మీ ప్రశ్నల ఆధారంగా, మేము దర్యాప్తు చేయడానికి ఒక బృందాన్ని పంపాము. మేము నివేదికల కోసం వేచి ఉన్నాము” అని మధ్యప్రదేశ్ ఫుడ్ అండ్ డ్రగ్స్ అడ్మినిస్ట్రేషన్లోని ఒక అధికారి బ్లూమ్బెర్గ్తో చెప్పారు.
కామెరూనియన్ అధికారులు ఇప్పటికీ వ్యాప్తికి కారణాన్ని పరిశోధిస్తున్నారు. మరణాలకు సంబంధించిన నేచర్కోల్డ్ నమూనాలను పరీక్షించాలని యోచిస్తున్నారు. ఫిల్బర్ట్ ఔషధం కామెరూన్లోకి దిగుమతి చేసుకోవడానికి అధికారం లేదని.. బహుశా దేశంలోకి అక్రమంగా రవాణా అయి ఉండవచ్చని అక్కడి అధికారులు చెప్పారు. డ్రగ్స్ మూలం గురించి అధికారులకు సమాచారం లేదన్నారు.
