ఈనెల 22వ తేదీ వరకు పలు రైళ్లను రద్దుచేస్తున్నట్లు దక్షిణమధ్య రైల్వే తెలిపింది. ఖరగ్ పూర్ డివిజన్ లో భద్రతకు సంబంధించిన పనులు జరుగుతుండటంతో వీటిని రద్దుచేస్తున్నట్లు వాల్తేరు సీనియర్ డీసీఎం ఎ.కె.త్రిపాఠి వెల్లడించారు.
20వ తేదీన (18045) షాలిమార్-హైదరాబాద్, హైదరాబాద్-షాలిమార్ (18046), సికింద్రాబాద్ -షాలిమార్(12774), విల్లుపురం-ఖరగ్పూర్(22604), హౌరా-ఎస్ఎంవీ బెంగళూరు(22887) రైళ్లను రద్దు చేశారు. ఈ నెల 21వ తేదీన ఎస్ఎంవీ బెంగళూరు- హౌరా (22864), ఎంజీఆర్ చెన్నై సెంట్రల్- షాలిమార్(22826).. 22వ తేదీన పాట్నా-ఎర్నాకుళం(22644), ఎంజీఆర్ చెన్నై సెంట్రల్- సంత్రాగచ్చి(22808) రైళ్లను రద్దు చేశారు. ఈనెల 25వ తేదీవరకు విజయవాడ, గుంటూరు డివిజన్ల పరిధిలో మరికొన్ని రైళ్లను రద్దు చేశారు. ఈ రెండు డివిజన్ల పరిధిలో మౌలిక సౌకర్యాలు కల్పించేందుకు పనులు జరుగుతున్నాయి. దీంతో కొన్ని రైళ్లను రద్దుచేస్తూ నిర్ణయం తీసుకున్నారు.
(17239) గుంటూరు -విశాఖపట్టణం సింహాద్రి ఎక్స్ప్రెస్ ఈ నెల 19 నుంచి 25వ వరకు.. అలాగే రైలు నంబరు. (17240) విశాఖపట్టణం – గుంటూరు సింహాద్రి ఎక్స్ప్రెస్ ఈనెల 20 నుంచి 26వ తేదీ వరకు రద్దు చేశారు. ఈ నెల 21న (07629) విజయవాడ – తెనాలి, (07874) తెనాలి – రేపల్లె, (07875) రేపల్లె – తెనాలి, ఈ నెల 22వ తేదీన (07282) తెనాలి – గుంటూరు, 24వ తేదీన (07783) విజయవాడ – గుంటూరు రైళ్లను రద్దుచేశారు.
