మాస్ మహారాజా రవితేజ, యంగ్ సెన్సేషన్ శ్రీలీల కలిసి నటించిన కొత్త చిత్రం ‘మాస్ జాతర’ ఈ నెల 31వ తేదీన థియేటర్లలో విడుదల కానుంది. వీరిద్దరి కలయికలో గతంలో వచ్చిన ‘ధమాకా’ సినిమా భారీ బ్లాక్ బస్టర్ విజయం సాధించిన నేపథ్యంలో, ఆ తరువాత వస్తున్న ఈ సినిమాపై అభిమానుల్లో అంచనాలు భారీగా పెరిగాయి. భాను భోగవరపు దర్శకత్వం వహించిన ఈ సినిమాకు భీమ్స్ సంగీతం సమకూర్చారు. ఈ కాంబో రిపీట్ కావడం, సినిమా టైటిల్ ‘మాస్ జాతర’ కావడంతో మాస్ ఆడియన్స్ ఈ సినిమా కోసం ఆసక్తిగా ఎదురుచూస్తున్నారు.
రవితేజకు ఉన్న అపారమైన మాస్ ఇమేజ్, శ్రీలీల డ్యాన్స్తో పాటు మాస్ కంటెంట్లోనూ రాణించగలనని ‘ధమాకా’తో నిరూపించుకోవడం ఈ సినిమాకు ప్రధాన ఆకర్షణగా నిలిచాయి. అయితే, ‘ధమాకా’ హిట్ తరువాత రవితేజ నటించిన దాదాపు ఐదు సినిమాలు ఆశించిన స్థాయిలో విజయం సాధించలేకపోయాయి. అదే విధంగా, శ్రీలీల కూడా ‘భగవంత్ కేసరి’ తర్వాత చేసిన సినిమాలు ప్రేక్షకులను పెద్దగా ఆకట్టుకోలేకపోయాయి.
ఈ నేపథ్యంలో, రవితేజ, శ్రీలీల ఇద్దరి కెరీర్కు కూడా ‘మాస్ జాతర’ విజయం అత్యంత కీలకంగా నిలిచింది. ఈ సినిమా సక్సెస్ వీరికి పూర్వ వైభవాన్ని తీసుకొస్తుందని భావిస్తున్నారు. అందుకే, ‘ధమాకా’ స్థాయిలో లేదా అంతకుమించి ఈ సినిమా వసూళ్లను రాబడుతుందా, లేక హిట్ ట్రాక్ను తిరిగి అందిస్తుందా అనే ఉత్కంఠ ప్రేక్షకుల్లో నెలకొంది.
