బానిస సంకెళ్ల నుంచి విముక్తి పొంది రెండేళ్లు పూర్తి – కూటమి పాలనతో ప్రజలకు స్వేచ్ఛ, సంక్షేమం: గోనుగుంట్ల భూషణ్

తాడిమర్రి (yes9tv )బానిస సంకెళ్ల నుంచి విముక్తి పొంది రెండేళ్లు పూర్తి – కూటమి పాలనతో ప్రజలకు స్వేచ్ఛ, సంక్షేమం: గోనుగుంట్ల భూషణ్
తాడిమర్రి, జూన్ 4: రాష్ట్రంలో కూటమి ప్రభుత్వం అధికారంలోకి వచ్చి రెండేళ్లు పూర్తయిన సందర్భంగా తాడిమర్రి మండలం నిడిగల్లు గ్రామంలో తెలుగుదేశం పార్టీ నాయకులు, కార్యకర్తలు ఘనంగా సంబరాలు నిర్వహించారు. ఈ సందర్భంగా కేక్ కట్ చేసి విజయోత్సవ వేడుకలు జరుపుకున్నారు.
ఈ కార్యక్రమానికి హాజరైన ఉమ్మడి జిల్లా సర్పంచుల సంఘం మాజీ అధ్యక్షుడు గోనుగుంట్ల భూషణ్ మాట్లాడుతూ, రాష్ట్ర ప్రజలు బానిస సంకెళ్ల నుంచి విముక్తి పొంది స్వేచ్ఛాయుత జీవనం గడుపుతున్న రెండు సంవత్సరాలు పూర్తయ్యాయని అన్నారు. ప్రజలు అపూర్వమైన మెజార్టీతో కూటమికి అధికారం అప్పగించడం ద్వారా రాష్ట్ర అభివృద్ధికి కొత్త దిశను చూపారని పేర్కొన్నారు.
ఎన్నికల సమయంలో ప్రజలకు ఇచ్చిన హామీలను అమలు చేయడంలో కూటమి ప్రభుత్వం చిత్తశుద్ధితో పనిచేస్తోందని ఆయన తెలిపారు. ముఖ్యంగా సూపర్ సిక్స్ పథకాల అమలు, మెగా డీఎస్సీ నిర్వహణ, ఎన్టీఆర్ భరోసా కింద పెన్షన్ల పెంపు, మహిళలకు ఉచిత బస్సు ప్రయాణం, ఏడాదికి మూడు ఉచిత గ్యాస్ సిలిండర్లు, రైతు నేస్తం పథకం ద్వారా రైతులకు రూ.20 వేల ఆర్థిక సాయం వంటి కార్యక్రమాలను విజయవంతంగా అమలు చేస్తోందన్నారు.
వైఎస్సార్సీపీ ప్రభుత్వ హయాంలో ఐదేళ్లపాటు యువతకు ఉద్యోగ అవకాశాలు కల్పించడంలో నిర్లక్ష్యం జరిగిందని, ఒక్క డీఎస్సీ కూడా నిర్వహించలేదని విమర్శించారు. అయితే కూటమి ప్రభుత్వం అధికారంలోకి వచ్చిన తర్వాత మెగా డీఎస్సీ నిర్వహించి నిరుద్యోగ యువతకు ఉద్యోగ అవకాశాలు కల్పించిందని చెప్పారు.
ప్రస్తుతం రాష్ట్రంలో ప్రజలకు స్వేచ్ఛాయుత వాతావరణం నెలకొందని, గతంలో అన్యాయానికి గురైన వారు కూడా తమ సమస్యలను నిర్భయంగా చెప్పగలుగుతున్నారని భూషణ్ పేర్కొన్నారు. ప్రజల సమస్యల పరిష్కారానికి ప్రభుత్వం కట్టుబడి పనిచేస్తోందని ఆయన అన్నారు.
ఈ కార్యక్రమంలో స్టోర్ డీలర్ కాకర్ల చంద్రశేఖర్, యూనిట్ ఇన్‌చార్జ్ ముత్తులూరు రాజశేఖర్, వైస్ సర్పంచ్ ధనప్ప రామకేశవులు తదితరులు పాల్గొని కూటమి ప్రభుత్వ రెండేళ్ల పాలనపై హర్షం వ్యక్తం చేశారు.