చిల్లకొండయ్యపల్లిలో ఘనంగా అంబేద్కర్ జయంతి వేడుకలు: పాలాభిషేకం మరియు భారీ బైక్ ర్యాలీ

తాడిమర్రి మండలం, చిల్లకొండయ్యపల్లి గ్రామంలో డా. బి.ఆర్. అంబేద్కర్ 135వ జయంతి వేడుకలు ఘనంగా నిర్వహణ
తాడిమర్రి మండలంలోని చిల్లకొండయ్యపల్లి గ్రామంలో భారత రాజ్యాంగ నిర్మాత డాక్టర్ బి.ఆర్. అంబేద్కర్ గారి 135వ జయంతి వేడుకలు ఘనంగా నిర్వహించడం జరిగింది. ఈ కార్యక్రమాన్ని ఎస్సీ జాన్ సంఘం కర్ణాటక రాష్ట్ర ఇంచార్జ్ సాకే కుల్లాయప్ప ఆధ్వర్యంలో నిర్వహించారు.
ఈ సందర్భంగా అంబేద్కర్ చిత్రపటానికి పాలాభిషేకం నిర్వహించి, అనంతరం బైక్ ర్యాలీ నిర్వహించారు. ఈ ర్యాలీ చిల్లకొండయ్యపల్లి గ్రామం నుండి ప్రారంభమై తాడిమర్రి మాల్యవంతం వరకు సాగింది. అక్కడ నిర్వహించిన కార్యక్రమాలు విజయవంతంగా ముగిశాయి.
ఈ వేడుకల్లో చిల్లకొండయ్యపల్లి గ్రామ యువత పెద్ద ఎత్తున పాల్గొని కార్యక్రమాన్ని విజయవంతం చేశారు. అంబేద్కర్ ఆశయాలను యువతలో చాటిచెప్పే విధంగా ఈ కార్యక్రమం నిర్వహించడం విశేషం.