నల్లమాడ ప్రభుత్వ ఆసుపత్రిలో ఘనంగా బాలయ్య జన్మదిన వేడుకలు
శ్రీ సత్యసాయి జిల్లా నల్లమాడ మండలంలో ప్రభుత్వ ఆసుపత్రిలో హిందూపూర్ ఎమ్మెల్యే నందమూరి బాలకృష్ణ 66వ జన్మదిన వేడుకలను బుట్టి నాగభూషణం నాయుడు ఆధ్వర్యంలో ఘనంగా నిర్వహించారు. ఈ సందర్భంగా రోగులకు బ్రెడ్‌లు, పండ్లు పంపిణీ చేశారు.
నాగభూషణం నాయుడు మాట్లాడుతూ బాలకృష్ణ సేవాగుణానికి ప్రతిరూపమని, ఆయనను ఆదర్శంగా తీసుకుని సేవా కార్యక్రమాలు కొనసాగిస్తామని తెలిపారు. కార్యక్రమంలో వైద్యులు, సిబ్బంది, తెలుగుదేశం పార్టీ నాయకులు, కార్యకర్తలు పాల్గొన్నారు.
