కర్నూలు జిల్లా……
కర్నూలు జిల్లా ఆలూరు మండలం పెద్దహోత్తూరు గ్రామంలో ఆత్మహత్యాయత్నానికి పాల్పడిన అంగన్వాడీ టీచర్ లేపాక్షమ్మను కర్నూలు ఎంపీ బస్తిపాటి నాగరాజు పరామర్శించారు. బాధితురాలి ఆరోగ్య పరిస్థితిని అడిగి తెలుసుకున్న ఎంపీ, ఆమెకు న్యాయం జరిగేలా అన్ని విధాలా అండగా ఉంటానని హామీ ఇచ్చారు.
ఆలూరు మండలం పెద్దహోత్తూరు గ్రామానికి చెందిన అంగన్వాడీ టీచర్ లేపాక్షమ్మ ఇటీవల ఆత్మహత్యాయత్నానికి పాల్పడిన విషయం జిల్లాలో తీవ్ర చర్చనీయాంశంగా మారింది. ప్రస్తుతం చికిత్స పొందుతున్న ఆమెను కర్నూలు ఎంపీ బస్తిపాటి నాగరాజు పరామర్శించి ఆరోగ్య పరిస్థితిని అడిగి తెలుసుకున్నారు.
ఈ సందర్భంగా బాధితురాలితో పాటు ఆమె కుటుంబ సభ్యులతో మాట్లాడిన ఎంపీ, జరిగిన ఘటనకు సంబంధించిన పూర్తి వివరాలను తెలుసుకున్నారు. బాధితురాలికి న్యాయం జరిగేలా అధికారులతో మాట్లాడి తగిన చర్యలు తీసుకునేలా కృషి చేస్తామని హామీ ఇచ్చారు.
“బాధితురాలికి న్యాయం జరగాలి. ఘటనపై పూర్తిస్థాయిలో విచారణ జరిపించి, బాధ్యులపై చట్టపరమైన చర్యలు తీసుకునేలా ప్రభుత్వ దృష్టికి తీసుకెళ్తాం. కుటుంబానికి అన్ని విధాలా అండగా ఉంటాం.”
ఎంపీ పర్యటన సందర్భంగా స్థానిక ప్రజాప్రతినిధులు, నాయకులు, గ్రామస్థులు పాల్గొన్నారు. బాధితురాలికి న్యాయం చేయాలని వారు కూడా ప్రభుత్వాన్ని కోరారు.
