ముదిగుబ్బ: సారంపల్లి మల్లారెడ్డి మృతికి సంతాపంగా ముదిగుబ్బ సీపీఎం కార్యాలయంలో సంతాప సభ నిర్వహించారు. ఈ సందర్భంగా రైతు సంఘం జిల్లా ప్రధాన కార్యదర్శి ఏ. హరి, జిల్లా అధ్యక్షులు జంగాలపల్లి పెద్దన్న, ముదిగుబ్బ సీపీఎం మండల కార్యదర్శి పెద్దన్న, సీఐటీయూ మండల కార్యదర్శి బాబ్జాన్, ముస్తఫా, నౌషాద్, రహీమ్ తదితరులు పాల్గొని నివాళులు అర్పించారు.
ఈ సందర్భంగా ఏపీ రైతు సంఘం నాయకులు మాట్లాడుతూ మల్లారెడ్డి మృతికి సంతాపం తెలిపారు. ఆయన ఆశయాలను కొనసాగిస్తూ రైతుల సమస్యల పరిష్కారం కోసం పోరాటాలను ముందుకు తీసుకెళ్తామని అన్నారు. అనంతరం మల్లారెడ్డి కుటుంబ సభ్యులకు ప్రగాఢ సానుభూతి తెలిపారు.
