తాడిమర్రి మండలంలో తీవ్రమైన గ్యాస్ కొరత: సిలిండర్లతో నిరసన చేపట్టిన ప్రజలు

తాడిమర్రి( yes9tv)తాడిమర్రి మండలంలో గ్యాస్ కొరతపై ప్రజల ఆందోళన
తాడిమరి మండలంలోని పలు గ్రామాలలో గత నెల రోజులుగా గ్యాస్ కొరత తీవ్రంగా ఏర్పడి ప్రజలు ఇబ్బందులు పడుతున్నారు. ఇరాన్–ఇజ్రాయిల్ యుద్ధ పరిస్థితుల నేపథ్యంలో సరఫరాలో అంతరాయం ఏర్పడటంతో ఈ సమస్య మరింత తీవ్రమైంది.
ఈ నేపథ్యంలో చిలకొండయ్యపల్లి గ్రామ ప్రజలు తమ నిరసనను వ్యక్తం చేస్తూ గ్యాస్ సిలిండర్లను వరుసగా ఏర్పాటు చేసి ఆందోళన చేపట్టారు. గ్యాస్ అందుబాటులో లేక గృహ అవసరాలు నెరవేర్చుకోవడంలో ఇబ్బందులు ఎదుర్కొంటున్నామని వారు తెలిపారు.
అంతేకాకుండా, గ్యాస్ ఏజెన్సీ నిర్వాహకులు గృహ వినియోగదారులకు సరఫరా చేయకుండా, బయట రెస్టారెంట్లకు అధిక ధరలకు విక్రయిస్తున్నారనే ఆరోపణలు వినిపిస్తున్నాయి. ఈ అక్రమాలను వెంటనే అరికట్టాలని గ్రామ ప్రజలు ప్రభుత్వాన్ని, సంబంధిత అధికారులను కోరుతున్నారు.