బళ్లారి జిల్లా
- సిలిండర్ పేలుడు – ఇల్లు పూర్తిగా ధ్వంసం
- తాళూరు గ్రామం, సండూరు తాలూకా, బళ్లారి జిల్లా
బళ్లారి జిల్లా సండూరు తాలూకా తాళూరు గ్రామంలో భారీ గ్యాస్ సిలిండర్ పేలుడు సంభవించింది. పేలుడు తీవ్రతకు ఇల్లు పూర్తిగా ధ్వంసమైంది. అదృష్టవశాత్తు ఎలాంటి ప్రాణనష్టం జరగలేదు. అయితే ఇంటి యజమాని సుభాని సాబ్ సహా ముగ్గురికి గాయాలయ్యాయి.
ధ్వంసమైన ఇంటి దృశ్యాలు
కూలిపోయిన గోడలు
గాయపడిన వారిని ఆసుపత్రికి తరలిస్తున్న దృశ్యాలు
ఘటనాస్థలాన్ని పరిశీలిస్తున్న పోలీసులు
తాళూరు గ్రామానికి చెందిన సుభాని సాబ్ ఇంట్లో ఉదయం కొత్త గ్యాస్ సిలిండర్ అమర్చారు. ఈ సమయంలో గ్యాస్ లీకేజీ జరిగినట్లు సమాచారం. లీకేజీ గమనించిన కుటుంబ సభ్యులు వెంటనే బయటకు వచ్చారు.
అయితే క్షణాల్లోనే భారీ పేలుడు సంభవించింది. పేలుడు ప్రభావంతో ఇల్లు పూర్తిగా కూలిపోయింది. పక్కనే ఉన్న మరో ఇల్లు కూడా దెబ్బతిన్నట్లు తెలుస్తోంది.
ఈ ఘటనలో సుభాని సాబ్ సహా మరో ఇద్దరికి గాయాలయ్యాయి. వారిని తోర్నగల్ లోని సంజీవిని ఆసుపత్రికి తరలించి చికిత్స అందిస్తున్నారు.
ఘటనపై సండూర్ పోలీసులు కేసు నమోదు చేసి దర్యాప్తు ప్రారంభించారు.
గ్యాస్ సిలిండర్ వినియోగంలో అప్రమత్తత అవసరమని అధికారులు సూచిస్తున్నారు. ఈ ఘటన గ్రామంలో కలకలం రేపింది.
