టీమ్ ఇండియా స్టార్ ఆల్ రౌండర్ శివం దూబే టాలీవుడ్ సూపర్ స్టార్ మహేష్ బాబుపై ప్రశంసల జల్లు కురిపించారు. ఇటీవల ఒక ఇంటర్వ్యూలో పాల్గొన్న ఆయన, మహేష్ బాబు గ్లామర్ మరియు స్టైల్ గురించి ఆసక్తికర వ్యాఖ్యలు చేశారు. మహేష్ బాబును అత్యంత క్లాస్ మరియు హ్యాండ్సమ్ హీరోగా అభివర్ణించిన దూబే, ఆయన స్క్రీన్ ప్రజెన్స్ తనకు ఎంతో ఇష్టమని వెల్లడించారు. తాను తెలుగు సినిమాలను హిందీ డబ్బింగ్లో క్రమం తప్పకుండా చూస్తుంటానని, మహేష్ బాబు స్టైల్కు తాను పెద్ద అభిమానినని పేర్కొన్నారు.
అదే ఇంటర్వ్యూలో దూబే ఐకాన్ స్టార్ అల్లు అర్జున్ గురించి కూడా ప్రస్తావించారు. అల్లు అర్జున్ డ్యాన్స్ అంటే తనకు చాలా ఇష్టమని, ‘పుష్ప’ సినిమాను చూసి ఎంజాయ్ చేశానని చెప్పారు. టాలీవుడ్ స్టార్ హీరోలపై శివం దూబే చేసిన ఈ వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. ముఖ్యంగా మహేష్ బాబు అభిమానులు తమ అభిమాన హీరోకి ఉన్న క్రేజ్ను చూసి ఈ కామెంట్స్ను నెట్టింట పెద్ద ఎత్తున షేర్ చేస్తున్నారు.
ప్రస్తుతం శివం దూబే టీమ్ ఇండియాలో కీలక ఆల్రౌండర్గా కొనసాగుతున్నారు. ఐపీఎల్లో చెన్నై సూపర్ కింగ్స్ తరఫున ఆడుతూ ఎం.ఎస్. ధోని మార్గదర్శకత్వంలో అద్భుతమైన ఫామ్ను కనబరుస్తున్నారు. మైదానంలో భారీ షాట్లతో విరుచుకుపడే దూబే ఆటతీరును చూసి అభిమానులు ఆయనను యువరాజ్ సింగ్తో పోలుస్తుంటారు. అటు క్రికెట్ మైదానంలో సిక్సర్లతో అలరించే దూబే, ఇటు టాలీవుడ్ సినిమాలపై తనకున్న అభిమానాన్ని చాటుకోవడం విశేషం.
