గ్లోబల్ స్టార్ రామ్ చరణ్ హీరోగా, ‘ఉప్పెన’ దర్శకుడు బుచ్చిబాబు సానా దర్శకత్వంలో రూపొందుతున్న ప్రతిష్టాత్మక చిత్రం ‘పెద్ది’ (Peddi Movie)పై అంచనాలు భారీగా ఉన్నాయి. ఈ సినిమాకు సంబంధించిన తాజా అప్డేట్లో, కథానాయిక జాన్వీ కపూర్ (Janhvi Kapoor) ఫస్ట్ లుక్ను ఆమె పాత్ర పేరుతో సహా అధికారికంగా విడుదల చేశారు.
జాన్వీ కపూర్ ఈ చిత్రంలో ‘అచ్చియమ్మ’ అనే పల్లెటూరి యువతి పాత్రలో కనిపించనుంది. విడుదల చేసిన పోస్టర్లో ఆమె డీ-గ్లామర్ లుక్లో, గ్రామీణ వాతావరణంలో సహజంగా కనిపిస్తూ ఆకట్టుకుంది. “పెద్ది ప్రేమించే ఫైర్బ్రాండ్ ఆటిట్యూడ్ ఉన్న అమ్మాయి అచ్చియమ్మ” అంటూ మేకర్స్ ఆమె పాత్రను పరిచయం చేయగా, ఈ మాసీ లుక్తో సినిమాపై అభిమానుల్లో ఆసక్తి మరింతగా పెరిగింది.
‘పెద్ది’ పాన్-ఇండియా స్థాయిలో తెరకెక్కుతున్న భారీ యాక్షన్ డ్రామా. ఇందులో శివరాజ్కుమార్, జగపతి బాబు, దివ్యేందు శర్మ వంటి ప్రముఖ నటులు కీలక పాత్రల్లో నటిస్తున్నారు. ఈ చిత్రానికి ఏఆర్. రెహమాన్ సంగీతం అందిస్తుండగా, రత్నవేలు సినిమాటోగ్రఫీ నిర్వహిస్తున్నారు. వృద్ధి సినిమాస్, సుకుమార్ రైటింగ్స్, మైత్రీ మూవీ మేకర్స్ సంయుక్తంగా నిర్మిస్తున్న ఈ పీరియాడిక్ యాక్షన్ డ్రామా 2026 మార్చి 27న ప్రపంచవ్యాప్తంగా విడుదల కానుంది.
