హాలీవుడ్ స్టార్ హీరో టామ్ క్రూజ్ మరియు గ్లామరస్ హీరోయిన్ అనా డి అర్మాస్ తమ ప్రేమ బంధానికి తెరదించినట్లు సమాచారం. గత తొమ్మిది నెలలుగా ప్రేమలో ఉన్న ఈ జంట త్వరలోనే వివాహం చేసుకోనున్నట్లు, అది కూడా ఏకంగా అంతరిక్షంలో జరుగనున్నట్లు గత కొద్ది రోజులుగా మీడియాలో ఊహాగానాలు గుప్పుమన్నాయి. అయితే, తాజా సమాచారం ప్రకారం, వీరిద్దరూ ఆ నిర్ణయం వద్దకు చేరుకోక ముందే స్నేహపూర్వకంగా విడిపోయారు.
వారిద్దరూ తమ సంబంధాన్ని ముగించినప్పటికీ, వృత్తిపరమైన సహకారాన్ని కొనసాగించాలని నిర్ణయించుకోవడం విశేషం. ప్రేమలో పయనించిన ఈ జంట వ్యక్తిగతంగా వేరుపడినా, భవిష్యత్తులో కలిసి పనిచేయాలనే అభిప్రాయంతో ఉన్నారు. దీనిలో భాగంగా, టామ్ క్రూజ్ తదుపరి సినిమాలో అనా డి అర్మాస్ హీరోయిన్గా కనిపించే అవకాశం ఉందని హాలీవుడ్ వర్గాలు చెబుతున్నాయి.
టామ్ క్రూజ్ – అనా డి అర్మాస్ జంట బ్రేకప్ ప్రస్తుతం హాలీవుడ్ సినిమా ఇండస్ట్రీలో హాట్ టాపిక్గా మారింది. వ్యక్తిగత సంబంధాలు ముగిసినప్పటికీ, వృత్తిపరమైన బాధ్యతలను కొనసాగించాలనే వారి నిర్ణయం సినీ పరిశ్రమలో చర్చనీయాంశమైంది. ఈ హాలీవుడ్ జంట త్వరలోనే పెళ్లి చేసుకోనుందన్న ఊహాగానాలు వచ్చిన కొద్దిరోజులకే ఈ బ్రేకప్ వార్త బయటకు రావడం గమనార్హం.
