నాచురల్ స్టార్ నాని( Nani) ‘దసరా(Dasara)’ ఇచ్చిన హిట్ తో ఎంజాయ్ చేస్తున్నాడు. ఇదే జోరులో తన తర్వాతి సినిమాని కూడా ప్రకటించేశాడు.
కొత్త దర్శకుడు శౌర్యవ్ తో సినిమా చేయనున్నట్లు రీసెంట్ గా వెల్లడించాడు . ఈ సినిమాతో నాని తన ఆస్థాన డైరెక్టర్ గా పేరుందిన శైలేష్ కొలను తో పోటీ పడనున్నాడు. నాని నిర్మాతగా వ్యవహరించిన ‘హిట్’, ‘హిట్-2′ ఈయనే దర్శకుడు. శైలేష్ దర్శకత్వం వహిస్తున్న’ సైంధవ్’ డిసెంబర్ 22న విడుదల కానుంది. ఈ సినిమాలో విక్టరీ వెంకటేష్(Venkatesh), శ్రద్ధ శ్రీనాథ్( Sraddha Srinath) జంటగా నటిస్తున్నారు.
మరోవైపు నాని ప్రకటించిన సినిమా సైతం క్రిస్మస్ సందర్భంగా డిసెంబర్ 21 న ప్రేక్షకుల ముందుకు రానుంది. ఈ సినిమా తండ్రి కూతుర్ల ఎమోషనల్ డ్రామాగా తెరకెక్కుతోంది. డిసెంబర్ మూడు వారంలో లాంగ్ వీకెండ్ ఉండటంతో ఈ రెండు చిత్రాలు పోటీ పడనున్నాయి. ఐదు రోజులు పాటు సెలవులు ఉన్న నేపథ్యంలో ఈ అవకాశాన్ని సద్వినియోగం చేసుకోవాలని మేకర్స్ భావిస్తున్నారు.
మరోవైపు నాని నటించిన రీసెంట్ చిత్రం ‘దసరా’ హిట్ టాక్ ని సొంతం చేసుకుంది . శ్రీకాంత్ ఓదెల దర్శకత్వం వహించిన ఈ చిత్రంలో కీర్తి సురేష్( Keerthi Suresh) కథానాయక. దీక్షిత్ శెట్టి కీలక పాత్రలో నటించాడు. తెలంగాణలోని సింగరేణి బొగ్గు గనుల నేపథ్యంలో ఈ సినిమా తెరకెక్కింది.
