దుబాయ్ నుంచి ఇజ్రాయెల్‌లోని టెల్ అవీవ్‌కు వెళ్తున్న ఫ్లైదుబాయ్ విమానంలో ఊహించని ప్రాణాపాయ సంక్షోభాన్ని ఎదుర్కొని, 174 మంది ప్రయాణికుల ప్రాణాలను కాపాడిన భారత సంతతికి చెందిన సాహస పైలట్ కెప్టెన్ స్మిత్ మచ్చర్‌ను గుజరాత్ ప్రభుత్వం అత్యున్నత పురస్కారంతో గౌరవించింది. ఆయన ప్రదర్శించిన అసాధారణ తెగువ, వృత్తిధర్మానికి గుర్తింపుగా రాష్ట్ర ప్రభుత్వం ప్రతిష్టాత్మక ‘విశిష్ట గుజరాత్ గరిమా అవార్డు’తో పాటు రూ. 25 లక్షల నగదు బహుమతిని ప్రకటించింది. ఈ విషయాన్ని గుజరాత్ ముఖ్యమంత్రి భూపేంద్ర పటేల్ స్వయంగా సోషల్ మీడియా వేదికగా అధికారికంగా వెల్లడించారు.
దాదాపు 30 వేల అడుగుల ఎత్తులో విమానం ప్రయాణిస్తున్న సమయంలో కాక్‌పిట్‌లో ఉన్న సహ పైలట్ ఉద్దేశపూర్వకంగా విమానాన్ని కూల్చేందుకు యత్నిస్తూ కెప్టెన్ స్మిత్ మచ్చర్‌పై క్రాష్ యాక్స్ (గొడ్డలి) వంటి ప్రమాదకర ఆయుధంతో ఆకస్మికంగా ప్రాణాంతక దాడికి పాల్పడ్డాడు. తీవ్ర రక్తగాయాలతో ప్రాణాపాయ స్థితిలో ఉన్నప్పటికీ ఏమాత్రం సంయమనం కోల్పోని కెప్టెన్ స్మిత్.. చాకచక్యంగా ఎదురుదాడి చేసి కాక్‌పిట్ తలుపును అన్‌లాక్ చేశారు. దీంతో ప్రయాణికులు, ఇతర సిబ్బంది లోపలికి వచ్చి దాడి చేసిన వ్యక్తిని నిలువరించడం సాధ్యమైంది.
అనంతరం తీవ్ర గాయాల నొప్పితోనే విమానాన్ని సురక్షిత మార్గంలో నడిపిస్తూ సౌదీ అరేబియాలోని తబూక్ ప్రాంతీయ విమానాశ్రయంలో అత్యవసర ల్యాండింగ్ విజయవంతంగా పూర్తి చేశారు. కెప్టెన్ స్మిత్ మచ్చర్‌ను ‘గుజరాతీ వీర పుత్రుడు’గా కొనియాడిన సీఎం భూపేంద్ర పటేల్.. ఆయన చూపిన తెగువ యావత్ భారతదేశానికే గర్వకారణమని ప్రశంసించారు. ప్రస్తుతం ఆసుపత్రిలో చికిత్స పొందుతున్న కెప్టెన్ స్మిత్ సంపూర్ణ ఆరోగ్యంతో త్వరగా కోలుకోవాలని ఆకాంక్షిస్తూ చారిత్రాత్మక సోమనాథ్
