పరిశుభ్రతే ఆరోగ్యానికి సోపానం: తాడిమర్రిలో ‘స్వచ్ఛ రథం’ ప్రారంభించిన హరీష్ బాబు

తాడిమర్రి (yes9tv)పరిశుభ్రతే ఆరోగ్యానికి మొదటి మెట్టు – హరీష్ బాబు
చెత్త నిర్వహణలో ప్రజలు ముందుకు రావాలి – హరీష్ బాబు
ప్రతి గ్రామం స్వచ్ఛ గ్రామంగా మారాలి – స్వచ్ఛ రథం ప్రారంభోత్సవంలో పిలుపు
ధర్మవరం నియోజకవర్గంలోని గ్రామాలు మరియు పట్టణాలలో పరిశుభ్రతను కాపాడుకోవాలని మంత్రి సత్య కుమార్ యాదవ్ నియోజకవర్గ ఇన్‌చార్జ్ హరీష్ బాబు పిలుపునిచ్చారు. ఎన్డీఏ కూటమి ప్రభుత్వం, పంచాయతీ రాజ్ శాఖ ఆధ్వర్యంలో చేపట్టిన “స్వచ్ఛ రథం” కార్యక్రమాన్ని బుధవారం తాడిమర్రి మండల కేంద్రంలోని మండల పరిషత్ అభివృద్ధి కార్యాలయం (ఎంపీడీఓ) వద్ద ఘనంగా ప్రారంభించారు. ఈ సందర్భంగా హరీష్ బాబు స్వచ్ఛ రథాన్ని జెండా ఊపి ప్రారంభించారు.
ఈ సందర్భంగా ఆయన మాట్లాడుతూ గ్రామాలు మరియు పట్టణాలలో పరిశుభ్రతను కాపాడుకోవడం ప్రతి ఒక్కరి బాధ్యత అని తెలిపారు. పర్యావరణ పరిరక్షణకు పరిశుభ్రతే మొదటి అడుగు అని, మన పరిసరాలు శుభ్రంగా ఉంటేనే ఆరోగ్యవంతమైన సమాజం నిర్మాణం సాధ్యమవుతుందని పేర్కొన్నారు. స్వచ్ఛ రథం కార్యక్రమం ద్వారా ఇంటింటికీ వెళ్లి చెత్తను సేకరించడం జరుగుతుందని, ముఖ్యంగా డ్రై వేస్ట్‌ను వేరు చేసి తీసుకెళ్లడం జరుగుతుందని తెలిపారు.
ప్రజలు తమ ఇళ్లలోనే తడి చెత్త, పొడి చెత్తను వేరు చేసి ఇవ్వాలని సూచించారు. చెత్తను సరైన విధంగా నిర్వహించడం ద్వారా గ్రామాలు మరింత అందంగా మారడమే కాకుండా, వ్యాధుల నివారణకు కూడా ఇది ఎంతో దోహదపడుతుందని వివరించారు. ఈ కార్యక్రమం ప్రత్యేకతగా చెత్తను అందజేసే ప్రజలకు అవసరమైన నిత్యావసర వస్తువులను ప్రోత్సాహకంగా అందించే విధానాన్ని ప్రభుత్వం ప్రవేశపెట్టిందని చెప్పారు. దీని ద్వారా ప్రజల్లో శుభ్రతపై అవగాహన పెరగడంతో పాటు, వారు స్వచ్ఛందంగా ఈ కార్యక్రమంలో పాల్గొనే అవకాశం ఉంటుందని పేర్కొన్నారు.
ఎన్డీఏ కూటమి ప్రభుత్వం గ్రామీణాభివృద్ధి మరియు పరిశుభ్రతకు అత్యంత ప్రాధాన్యత ఇస్తోందని, ఈ స్వచ్ఛ రథం కార్యక్రమం గ్రామాల రూపురేఖలను మార్చే దిశగా కీలక అడుగు అని హరీష్ బాబు అన్నారు. ప్రతి గ్రామం స్వచ్ఛ గ్రామంగా మారాలని, అందుకు ప్రజల సహకారం అత్యవసరమని పిలుపునిచ్చారు.
ఈ కార్యక్రమంలో ఎంపీడీఓ ఏ.వి. రంగారావు, డిప్యూటీ ఎంపీడీఓ విరశేఖర్ నాయుడు, మండల అధికారులు, సిబ్బంది, మండల కన్వీనర్ దేవర రాము మార్కెట్ యార్డ్ డైరెక్టర్ కొంక నాగార్జున స్వామి కొంక రామన్న కొంక తేజ గంగులప్పా బిల్లే చంద్ర టిడిపి కన్వీనర్ కూచి రాము , సింగల్ విండ్ డైరెక్టర్ అనుకుర్తి రమణ వీర రాఘవ ఆరవేటి ఆనంద్ గంగరాజుగోనుగుంట్ల భూషణ్ స్థానిక ప్రజాప్రతినిధులు మరియు గ్రామస్థులు పాల్గొన్నారు.