ధర్మవరం “బాల సదనం”లో ఉచిత ప్రవేశాలు ప్రారంభం: అనాథ, పేద బాలికలకు చక్కని అవకాశం!

తాడిమర్రి (yes9tv )ధర్మవరంలోని ప్రభుత్వ బాలికల వసతి గృహం “బాల సదనం”లో ఉచిత ప్రవేశాలు ప్రారంభం
తాడిమర్రి జూన్ 3: మహిళా మరియు శిశు సంక్షేమ శాఖ ఆధ్వర్యంలో ధర్మవరం పట్టణంలోని సిద్ధయ్యగుట్ట ప్రాంతంలో నిర్వహించబడుతున్న ప్రభుత్వ బాలికల వసతి గృహం *“బాల సదనం”*లో 2026-27 విద్యా సంవత్సరానికి ఉచిత ప్రవేశాలు కొనసాగుతున్నట్లు వసతి గృహ నిర్వాహకులు తెలిపారు.
తాడిమర్రి మండలంలోని అనాథ బాలికలు, సెమీ అనాథ బాలికలు (తల్లిదండ్రులలో ఒకరు మాత్రమే ఉన్నవారు), అలాగే ఆర్థికంగా వెనుకబడిన కుటుంబాలకు చెందిన బాలికల సంక్షేమం కోసం రాష్ట్ర ప్రభుత్వం ఈ వసతి గృహాన్ని నిర్వహిస్తోంది. ప్రభుత్వ ఉత్తర్వులు మరియు ఉన్నతాధికారుల ఆదేశాల మేరకు బాలికలకు నాణ్యమైన విద్యతో పాటు అవసరమైన అన్ని సౌకర్యాలు పూర్తిగా ఉచితంగా అందిస్తున్నట్లు అధికారులు పేర్కొన్నారు.
బాలికల విద్యాాభివృద్ధి, ఆరోగ్య పరిరక్షణ, పోషకాహారం, క్రమశిక్షణ మరియు వ్యక్తిత్వ వికాసానికి ప్రాధాన్యత ఇస్తూ వసతి గృహాన్ని నిర్వహిస్తున్నామని తెలిపారు. విద్యతో పాటు సాంస్కృతిక, క్రీడా, వినోద కార్యక్రమాల ద్వారా బాలికల సర్వతోముఖ అభివృద్ధికి ప్రత్యేక చర్యలు తీసుకుంటున్నట్లు వెల్లడించారు.
వసతి గృహంలో అందిస్తున్న సౌకర్యాలు:
ఉచిత విద్య, వసతి, వైద్యం మరియు ట్యూషన్ సౌకర్యం
పరిశుభ్రమైన, సురక్షితమైన వాతావరణంలో వసతి
మెనూ ప్రకారం పౌష్టికాహార భోజనం
ఆటలు, లైబ్రరీ మరియు ఇతర వినోద కార్యక్రమాలు
అన్ని కులాలు, మతాలకు చెందిన బాలికలకు ప్రవేశం
6 నుండి 11 సంవత్సరాల వయస్సు గల బాలికలకు అవకాశం
1వ తరగతి నుండి 5వ తరగతి వరకు విద్యాభ్యాసం
అర్హులైన బాలికల భవిష్యత్తును దృష్టిలో ఉంచుకొని ప్రభుత్వం అందిస్తున్న ఈ అవకాశాన్ని తల్లిదండ్రులు సద్వినియోగం చేసుకోవాలని నిర్వాహకులు కోరారు. ప్రవేశాలు పూర్తిగా ఉచితం కాగా, సీట్లు పరిమిత సంఖ్యలో ఉన్నందున ఆసక్తి గల కుటుంబాలు త్వరితగతిన సంప్రదించాలని సూచించారు.
సంప్రదించవలసిన చిరునామా: బాల సదనం బాలికల వసతి గృహం,
ఎల్.పి. సర్కిల్, సిద్ధార్థ సినిమా హాల్ ప్రక్కన,
ఎన్‌టీఆర్ అన్నా క్యాంటీన్ ఎదురుగా, సిద్ధయ్యగుట్ట, ధర్మవరం.
సంప్రదింపు నంబర్లు: 738611833
7075633900
9849436156
9573275900
అర్హులైన బాలికలకు ఉచిత విద్య, వసతి, భోజన సదుపాయాలతో కూడిన ఈ ప్రభుత్వ అవకాశాన్ని వినియోగించుకోవాలని మహిళా మరియు శిశు సంక్షేమ శాఖ అధికారులు విజ్ఞప్తి చేశారు.