ఇండియాలో సినిమా ప్రియులు చాలా మందే ఉంటారు. ఇక తమకిష్టమైన హీరో, హీరోయిన్ సినిమా విడుదలైందంటే ఫస్ట్ డే ఫస్ట్ షో చూడాలని తహతహలాడుతారు.
టికెట్ రేట్లు ఒక ఎత్తు అయితే, అక్కడ ఫుడ్ రేట్లు మరో ఎత్తు! కొన్ని సందర్భాల్లో టికెట్ రేట్లు తక్కువే ఉన్నా, పాప్కార్న్ రేట్లు చూసి షాక్ అవ్వాల్సిందే. తాజాగా ఇలాంటి ఘటనే ఒకటి వెలుగులోకి వచ్చింది. 55 గ్రాముల చిన్న పాప్కర్న్ బకెట్ ధర రూ. 460కి కొన్న బిల్ను ఓ వ్యక్తి ట్విట్టర్లో పోస్ట్ చేశాడు. ఈ ట్వీట్ ఇప్పుడు వైరల్గా మారింది.
వామ్మో.. ఇంత ధరా..?
త్రిదిప్ కే మండల్ అనే వ్యక్తి ఈ ట్వీట్ చేశాడు. నోయిడా పీవీఆర్ సినిమాస్కు వెళ్లిన అతను పాప్కార్న్, కూల్డ్రింక్ కొన్నాడు. అంతే! ఆ బిల్ చూసి షాక్ అయ్యాడు.
Popcorn price in PVR cinemas : “55 గ్రాముల చీస్ పాప్కార్న్ ధర రూ. 460. 600ఎంఎల్ పెప్సీ ధర రూ. 360. రెండు కలిపితే పీవీఆర్ నోయిడాలో రూ. 820. ఇంత ధరలా! ఇది అమెజాన్ ప్రైమ్సబ్స్క్రిప్షన్తో దాదాపుగా సమానం. అందుకే ప్రజలు థియేటర్లకు వెళ్లట్లేదు. కుటుంబంతో కలిసి సినిమా చూడటం అనేది చాలా ఖరీదైన విషయం అయిపోయింది,” అని త్రిదిప్ పేర్కొన్నారు.
ఈ ట్వీట్ చూసి చాలా మంది నెటిజన్లు షాక్ అవుతున్నారు. “ఇలాంటి ధరలను ఎలా భరించాలి? అందుకే ప్రజలు థియేటర్లకు వెళ్లట్లేదు,” అని ఓ వ్యక్తి రాసుకొచ్చాడు. ‘మల్టీప్లెక్స్లో పాప్కార్న్ డబ్బులు సేవ్ చేయండి. ఆ డబ్బులతో రెస్టారెంట్కి వెళ్లి భోజనం చేయండి,’ అని మరో వ్యక్తి సెటైర్ వేశాడు. మరికొందరు మాత్రం.. పాప్కార్న, కూల్డ్రింక్ కొనడం అనేది ఆప్షనల్ అని అభిప్రాయాన్ని వ్యక్తం చేశారు. “థియేటర్కి వెళ్లి సినిమా చూడండి. లంచ్/ డిన్నర్ చేయకండి. సినిమాకు వెళ్లి స్నాక్స్ ధరలు ఎక్కువగా ఉందని ఫిర్యాదు చేయడం వెర్రితనం,” అని మరో వ్యక్తి పేర్కొన్నాడు.
సామాజిక మాధ్యమాల్లో వైరల్గా మారిన ట్వీట్ను ఇక్కడ చూడండి :
