మెగా పవర్ స్టార్ రామ్ చరణ్ ప్రస్తుతం తన 15వ సినిమాతో బిజీగా ఉన్నారు. ఇంకా టైటిల్ ఖరారు కాని ఈ సినిమాను RC15 అనే వర్కింగ్ టైటిల్తో పిలుస్తున్నారు. స్టార్ డైరెక్టర్ శంకర్ దర్శకత్వంలో రూపొందుతోన్న ఈ సినిమాను శ్రీ వెంకటేశ్వర క్రియేషన్స్ బ్యానర్పై దిల్ రాజు, శిరీష్ భారీ బడ్జెట్తో నిర్మిస్తు్న్నారు. బాలీవుడ్ భామ కియారా అద్వానీ ఈ సినిమాలో హీరోయిన్గా నటిస్తున్నారు. రామ్ చరణ్తో కియారా నటించడం ఇది రెండోసారి.
ఈ సినిమాకు ఇప్పటి వరకు ‘సర్కారోడు’ అనే టైటిల్ ప్రచారంలో ఉంది. అయితే, ఆ టైటిల్ను దర్శక నిర్మాతలు ఖరారు చేయలేదని అంటున్నారు. ప్రస్తుతం ఒక టైటిల్ను మేకర్స్ పరిశీలిస్తున్నారట. ఆ టైటిలే టాప్ లిస్ట్లో ఉందని అంటున్నారు. ఆ టైటిల్ ‘సీఈవో’ (CEO). ఈ టైటిల్నే ఖరారు చేసే అవకాశం ఉందని ఇండస్ట్రీ వర్గాలు అంటున్నాయి. అయితే, ఈ సినిమాలో రామ్ చరణ్ ఐఏఎస్ ఆఫీసర్ కదా.. మరి సీఈవో టైటిల్ ఎలా సరిపోతుందని కొంత మంది సోషల్ మీడియాలో అనుమానం వ్యక్తం చేస్తున్నారు. ఇక్కడ సీఈవో అంటే ఓ కంపెనీకి చీఫ్ ఎగ్జిక్యూటివ్ ఆఫీసర్ కాదట.. చీఫ్ ఎలక్టోరల్ ఆఫీసర్. ఐఏఎస్ అధికారులనే చీఫ్ ఎలక్టోరల్ ఆఫీసర్లుగా నియమిస్తారనే సంగతి తెలిసిందే.
‘సీఈవో’ టైటిల్ అదిరిపోయిందని మెగా అభిమానులు అంటున్నారు. రామ్ చరణ్కు ఇది పర్ఫెక్ట్ టైటిల్ అని అభిప్రాయపడుతున్నారు. ఈ టైటిల్పై జరుగుతున్న చర్చతో ప్రస్తుతం RC15 ట్విట్టర్లో ట్రెండ్ అవుతోంది.
ఇదిలా ఉంటే, ప్రస్తుతం RC15 షూట్ నుంచి రామ్ చరణ్ కాస్త విరామం తీసుకున్నారు. ఈనెల 12న అమెరికాలోని లాస్ ఏంజిల్స్లో జరిగే అకాడమీ అవార్డుల ప్రదానోత్సవంలో (Oscars 2023) పాల్గొనేందుకు ఇప్పటికే రామ్ చరణ్ వెళ్లారు. ఆస్కార్ అవార్డుల వేడుక పూర్తయ్యాక ఇండియాకు వచ్చి మళ్లీ తన సినిమా చిత్రీకరణలో పాల్గొంటారు. ఈ చిత్రానికి తమన్ సంగీతం సమకూరుస్తున్నారు. శంకర్కు తమన్ స్వరాలు సమకూర్చడం ఇదే తొలిసారి.
తన గత చిత్రాల మాదిరిగానే ఈ సినిమాలోనూ పాటల చిత్రీకరణకు శంకర్ అధిక ప్రాధాన్యత ఇస్తున్నారు. వాటి కోసం కోట్ల రూపాయలు ఖర్చు చేస్తున్నారు. న్యూజీలాండ్లో సుమారు రూ.15 కోట్ల ఖర్చుతో రామ్ చరణ్, కియారా అద్వానీపై ఒక డ్యూయెట్ చిత్రీకరించారు. మళ్లీ ఇండియాలోనూ భారీ స్థాయిలో డాన్సర్స్ను పెట్టి ఒక పాట చిత్రీకరించనున్నారని సమాచారం. ఇది రామ్ చరణ్ ఇంట్రడక్షన్ సాంగ్ అని టాక్. వైజాగ్, హైదరాబాద్ పాత బస్తీలో చిత్రీకరణ జరుపుతారట. ఇది పాన్ ఇండియా మూవీగా రూపొందుతోంది.
